Cynigion ar gyfer y lan

Ar y lan bydd:

1. Is-orsaf

  • Bydd yr is-orsaf yn agos i’r man y bydd y ceblau’n cyrraedd y lan, i’r de o Ynys Lawd.
  • Bydd yr is-orsaf yn mesur tua 50m x 70m a bydd ffens neu wal yn ei hamgylchynu.

2. Ceblau a llwybr y ceblau

  • Bydd hyd at 9 cebl allgudo yn trosglwyddo trydan o’r dyfeisiadau llif llanw yn y môr i’r tir.
  • Drilio llorweddol (HDD) yw’r dull sy’n cael ei ffafrio ar gyfer dod a’r ceblau i’r lan – byddai hyn yn golygu drilio o dan yr arfordir ger yr is-orsaf.
  • Yna bydd cebl yn cael ei osod o dan y ffordd a bydd yn rhedeg o’r is-orsaf ar y lan ac yn cysylltu â’r grid ger safle Orthios, sef Alwminiwm Môn gynt.

3. Is-orsaf Grid

  • Bydd is-orsaf arall yn cael ei hadeiladu ar gyfer yr offer i gysylltu Morlais â’r Grid Cenedlaethol.
  • Bydd Morlais yn cysylltu â’r Grid Cenedlaethol yn Orthios, sydd ar yr A5 ar y ffordd i mewn i Gaergybi.
  • Bydd yr is-orsaf grid yn mesur tua 100m x 100m a bydd ffens yn ei hamgylchynu.

 

Cynigion ar gyfer y môr

Bydd prosiect Morlais yn gosod isadeiledd yn y môr ac yn rhoi caniatâd i ddatblygwr technoleg ynni llanw brofi eu peiriannau ar raddfa fasnachol.

Bydd y datblygwyr yn dod yn denantiaid i Morlais, gan dalu am yr hawl i ddefnyddio’r safle a’r offer.

Mae datblygwyr technoleg o bob cwr o’r byd eisoes wedi cytuno i weithio gyda ni ar Morlais a phrofi eu technoleg ar y safle.

Bydd yr offer yn y môr sy’n cael ei reoli ac yn eiddo i Morlais yn cynnwys:

  • Hyd at 9 cebl tanddwr i drosglwyddo trydan o’r dyfeisiadau llif llanw i’r is-orsaf ar y lan.

Bydd isadeiledd y datblygwr/ tenant yn cynnwys:

  • Dyfeisiadau llif llanw wedi eu cysylltu gyda’i gilydd i greu grwp.
  • Sylfeini ac angorau ar wely’r môr i ddal y dyfeisiadau yn eu lle.
  • Hybiau neu flychau i alluogi nifer o ddyfeisiadau i gael eu cysylltu gyda’i gilydd mewn grwp.
  • Ceblau tanddwr i gysylltu’r dyfeisiadau gyda’i gilydd.