Ceri's Catering

Mae Ceri's Catering yn fusnes bach, annibynnol wedi’i leoli yng Nghaergybi, sydd wedi dod yn bartner arlwyo gwerthfawr a dibynadwy ar gyfer ein digwyddiadau. Mae gweithio gyda chyflenwr lleol nid yn unig yn cefnogi’r economi leol, ond hefyd yn sicrhau bod ein mynychwyr yn mwynhau bwyd o ansawdd uchel, wedi’i baratoi’n ffres gyda chyffyrddiad personol.

Mae Ceri's Catering wedi darparu gwasanaeth arlwyo llwyddiannus ar gyfer amrywiaeth o ddigwyddiadau yn yr is-orsaf, gan gynnwys ein Digwyddiad Cadwyn Gyflenwi 'Dal y Llanw', lle darparwyd detholiad trawiadol o frechdanau ffres wedi’u paratoi a cacennau cartref i fwy na 100 o fynychwyr. Darparwyd yr arlwyo ar amser, cyflwynwyd popeth yn broffesiynol, a chafwyd adborth rhagorol gan y mynychwyr, gan gyfrannu at lwyddiant y digwyddiad.

Fel busnes bach annibynnol, mae Ceri's Catering yn cynnig yr hyblygrwydd i deilwra bwydlenni i gyd-fynd â phob digwyddiad, ac mae’n gallu darparu ar gyfer ystod eang o ofynion dietegol, gan sicrhau bod pob person yn cael ei ddarparu ar ei gyfer. Mae llawer o’r bwyd yn cael ei baratoi gartref, tra bod llawer o’r cynhwysion yn cael eu cyrchu gan gyflenwyr lleol yng Nghaergybi a’r cyffiniau. Mae hyn yn helpu i gefnogi busnesau bach eraill yn y gymuned ac i leihau milltiroedd bwyd.

Mae cynaliadwyedd hefyd wrth wraidd y gwasanaeth. Mae pob digwyddiad a arlwyir yn cael ei gyflenwi gan ddefnyddio platiau y gellir eu compostio a phecynnu sy’n ystyriol o’r amgylchedd, gan adlewyrchu ymrwymiad i leihau gwastraff ac ôl troed carbon heb beryglu ansawdd na chyflwyniad.

Mae partneru â Ceri's Catering yn dangos sut y gall busnesau lleol ddarparu arlwyo o ansawdd uchel yn llwyddiannus ar gyfer digwyddiadau corfforaethol mawr, gan gyfuno hyblygrwydd, cynaliadwyedd ac ymrwymiad gwirioneddol i gefnogi’r gymuned leol.