Prosiect ynni llif llanw Menter Môn ydy Morlais. Mae’n rheoli ardal 35Km² o wely’r môr ger Ynys Cybi, Ynys Môn. Mae gan y cynllun y potensial i gynhyrchu hyd at 240MW o drydan glân carbon isel.
Y nod yw chware rhan wrth daclo newid hinsawdd tra’n sicrhau budd economaidd a chymdeithasol i gymunedau lleol ac i’r rhanbarth yn ehangach. Fel cwmni lleol mae hyn wedi bod yn ganolog i’n gweledigaeth o’r cychwyn cyntaf.