Tanfor

Mae’r Prosiect Tanfor yn brosiect ymchwil a datblygu arloesol a fydd yn sicrhau bod tyrbinau ynni’r llanw yn cael eu gosod yn ddiogel fesul cam ym mharth Morlais. Mae'r parth yn ardal 35km2 oddi ar Ynys Cybi , Ynys Môn sy'n cael ei datblygu gan Menter Môn.

Gan weithio gyda thîm o arbenigwyr, mae'r prosiect wedi datblygu Cynllun Monitro a Lliniaru Amgylcheddol (EMMP) i ddiogelu bywyd gwyllt y môr. Bydd y canfyddiadau wedyn ar gael ar y Gyfnewidfa Data Morol (MDE) ar gyfer prosiectau ynni adnewyddadwy yn y môr yn y dyfodol i alluogi twf ynni llanw.

Mae Menter Môn yn gweithio gyda rhwydwaith o academyddion a busnesau o amgylch y DU, i ddatblygu’r cynllun hwn ar gyfer y diwydiant, gan gynnwys:

ERM

Francis Marine 

Leask Marine 

Marine Situ 

Navmoor 

RSPB

Seiche 

Signs & Designs 

Bydd gwaith Tanfor yn cyfrannu at ddatblygu a phrofi technolegau newydd megis sonar gweithredol, camerâu tanddwr, dyfeisiau atal acwstig a delweddu thermol ynghyd ag arolygu bywyd gwyllt morol lleol.

Poster gwybodaeth bwi Marinus

I gael rhagor o wybodaeth am Tanfor, cysylltwch â'r tîm ar info@morlaisenergy.com